NOTE! This site uses cookies and similar technologies.

If you not change browser settings, you agree to it. Learn more

I understand

EDUCATIONAL MODEL

Modelo educativo grupo educativo Coas

EDUCATIONAL OPTIONS

Oferta educativa grupo educativo Coas

TEACHING TOOLS

Instrumentos educativos grupo educativo Coas

PEDAGOGIC INNOVATION

Innovación pedagógica Coas

EARLY EDUCATION

Educacion temprana

Instalaciones

mun-logo-300px

Noticias

Moodle y Coas

AZTERKETA OFIZIALERAKO BIDEAN - Ayalde

 

Hizkuntzen ikaskuntza funtsezko helburuetako bat da gure proiektu akademikoaren barnean. Izan ere, eleaniztasunak eta titulu ofizialek azken hamarkadan hartu duten garrantzia nabarmena da. Zentzu horretan, egungo ingurunean, ingelesa ez ezik, euskara ere ezinbesteko baldintza da administrazioan, publikoari begira lan egiten duten lanpostuetan, enpresa teknologikoetan eta abarretan postu bat lortzeko orduan, lehiakortasunari eusteko eta testuinguru berri horretan arrakastaz bizirauteko.

 

Euskarari dagokionez, Hizkuntza-Eskola Ofizialek, bertan matrikulatuta egon ez arren, azterketa ofizialetara aurkezteko aukera eskaintzen dute. Beraz, helburu hori bete ahal izateko, Ayalden urteak daramatzagu DBHko 4. maila eta batxilergoko ikasleekin B1 eta B2 mailetako eskolaz kanpoko klaseak ematen eta, azkenaldian, horren osagarri diren ahozko gaitasuna sustatzeko klaseak ere jarri ditugu martxan.

 

Aurten, B1 eta B2ko klasean 17 eta 9 ikasle izan ditugu, hurrenez hurren. Beste alde batetik, ahozkoei dagokienez, 35 ikasle egon dira B1 mailan, 8 B2an eta 2 ikasle C1 prestatzen. Espero dugu aste honetan izango diren azterketa ofizialetatik oso emaitza onak jasotzea. Horrez gain, azaroan izandako deialdira aurkeztu eta gainditu zuten ikasleak ere zoriondu nahi ditugu.

 

Ayaldetik, bai ikasleak bai beraien familiak jabetarazi nahi ditugu euskararen garrantziaz, bere aldeko apustuari eutsi behar zaiolako jarrera linguistiko positiboak indartzen jarraitzeko. Izan ere, jarrerak eragin nabarmena du euskara ikasteko motibazioan, baita ikasleek lortzen dituzten emaitza akademikoetan ere. Zenbat eta jarrera hobea izan euskararekiko, orduan eta gogo gehiago ikasteko eta emaitza hobeak lortzen dituzte Euskara irakasgaian.

 

Hizkuntza bat hainbat arau gramatikaletatik harago doan zerbait izan beharko litzateke. Hizkuntza batek aukera eman behar du beraren bidez jolasteko, maitemintzeko, haserretzeko, alaitzeko, ... Arlo guzti hauetan euskara ez litzateke hankamotz edo hutsunez beteta geratu beharko, eta horretan dihardu Ayaldek.

 

--- Nerea Larrucea - Ayalde

Barrio aiartza, 5 48180 LOIU (Colegio Ayalde) Tlf: 94 464 66 88 - This email address is being protected from spambots. You need JavaScript enabled to view it.

Copyright - Grupo educativo Coas